काठमाडौँ — नेकपा (एकीकृत समाजवादी)का अध्यक्ष माधवकुमार नेपालले मान्छेको खुबी सानैमा देखिने बताएका छन् । पार्टीको विद्यार्थी विशेष जिल्ला कमिटी अध्यक्षको शपथग्रहण कार्यक्रमलाई सम्बोधन गर्दै उनले विद्यार्थीको पहिलो काम नै पढ्ने भएको र आफू एकैचोटी ३ बाट ५ कक्षामा पुगेको बताएका हुन् ।
उनले भने, ‘तपाईंहरुले पार्टी सदस्यता कहिले लिनुभयो ढिलो चाँडो जहिले लिए पनि तपाईंहरु विद्यार्थी विशेष जिल्ला कमिटीमा आउनुभएको छ । राम्रा मान्छेले फड्को मार्छन्, म पनि एकैचोटी कक्षा ३ बाट ५ मा पुगेको थिएँ। मान्छेमा खुबी छ भने त्यो सानैमा देखिन्छ ।
उनले किताबको कोर्स र राजनीतिलाई मिलाएर पढाइमा ध्यान दिन विद्यार्थीहरुलाई निर्देशन दिए ।
