दोर्दी खोला जलविद्युत कम्पनीको पहिलो कारोबार कतिमा होला त?? जानुस्

दोर्दीखोला जलविद्युत कम्पनीले निष्काशन गरेको आईपिओ बाँडफाँड भएको छ । बिक्रि प्रबन्धक सिद्धार्थ क्यापिटलले बुधबार बिहान क्यापिटल कै कार्यलयमा शेयर बाँडफाँड गरेको हो ।

दोर्दी खोला जल विद्युत कम्पनीको उद्घाटन मूल्य रु. १०२.३९ – रु. ३०७.१७। यो खुल्ला मूल्य दायरा आर्थिक वर्ष २०७७/७८ को आर्थिक प्रतिवेदन अनुसार निर्धारण गरिएको हो । कम्पनीको प्रति शेयर नेटवर्थ रु. १०२.३९। कम्पनीले आगामी तीन वर्षमा प्रतिसेयर नेटवर्थ ११८.४४ पु¥याउने अपेक्षा गरिएको छ ।

कम्पनीले जेठ २६ गतेदेखि जेठ ३१ गतेसम्म प्रतिकित्ता १०० रुपैयाँ अंकित दरका २१ करोड ९५ लाख रुपैयाँ बराबरको २१ लाख ९६ हजार कित्ता आईपीओ निष्कासन गरेकाे थियाे । जसमध्ये जारी पूँजीको ३ प्रतिशत अर्थात ६५ हजार ८६५ कित्ता सेयर कर्मचारीहरुका लागि, ५ प्रतिशत अर्थात १ लाख ९ हजार ७ सय ७५ कित्ता सेयर सामूहिक लगानी कोषका लागि र बाँकी २० लाख १९ हजार ८६९ कित्ता साधारण सेयर सर्वसाधारणका लागि छुट्याइएको थियाे ।


अन्तिम दिनसम्म १५ लाख ६४ हजार ५ सय २२ जना लगानीकर्ताले १ करोड ७९ लाख ३३ हजार ७० कित्ताका लागि आवेदन दिएका छन् ।

मागभन्दा धेरै आवेदन परेकाे हुनाले कम्पनीकाे आईपीओ गाेलाप्रथाद्वारा वितरण गरिनेछ । गाेलाप्रथाबाट वितरण गर्दा भाग्यमानी २ लाख १ हजार ९ सय ८६ जना लगानीकर्ताहरूले मात्रै सेयर हात पार्नेछन् । बाँकी १३ लाख ६२ हजार ५ सय ३६ जनाको भने हात खाली हुनेछ ।

प्रतिक्रिया

सम्बन्धित खवर

ताजा समाचार

लोकप्रिय