काठमाडौं । देशका विभिन्न भागमा निर्धारित सबै कार्यक्रमहरु रद्ध गरेर प्रधानमन्त्री शेरवहादुर देउवा डडेल्धुरा आफ्नै निर्वाचन क्षेत्रमा केन्द्रीत हुने भएका छन् । उनी कात्तिक २९ गते मंगलबार विहान काठमाडौंबाट डडेल्धुरा जाने कार्यक्रम तय भएको छ ।
समाचारअनुुसार, आफ्नो निर्वाचन क्षेत्रमा प्रतिष्पर्धीहरुबाट चुनौति थपिएको विश्लेषणका आधारमा देउवा सबैतिर छाडेर त्यता जान लागेका हुन् । सैनिक स्रोतका अनुसार, प्रधानमन्त्रीको डडेल्धुरा बसाइ अब मौन अवधि शुरु हुन्जेलसम्म हुनेछ । ‘उहां मंसीर १ गते सांझमात्र काठमाडौं फर्किने कार्यक्रम छ,’ सैनिक स्रोतले भन्यो ।
मंसीर २ गतेबाट मौन अवधि शुरु हुँदैछ । प्रधानमन्त्री देउवा आफ्नै निर्वाचन क्षेत्रमा केन्द्रीत हुँदा अन्यत्र तय भएका कार्यक्रमहरुमा पार्टीका अरु नेतालाई जान भनेर उनले नै आदेश दिएका छन् ।देउवाको निर्वाचन क्षेत्रमा स्वतन्त्रबाट प्रतिष्पर्धा गरिरहेका युवा उम्मेद्वार सागर ढकालले निकै चर्चा बटुलिसकेका छन् ।
उनको प्रचार र खटाइबाट आत्तिएका देउवाका प्रचारकहरुले प्रहरी शक्तिको दुरुपयोग गरी ढकाललाई माइकिङ्गसमेत गर्न नदिएर अवरोध खडा गरेका थिए । यो विषय सामाजिक सन्जालमा भाइरल नै भएको थियो र देउवाकै बद्नामी बढी भएपछि प्रहरी प्रशासन पछि हट्नु परेको थियो ।
सोही निर्वाचन क्षेत्रबाट देउवाकै पूर्व सहयोगी कर्ण मल्ल नेकपा एमालेको समेत सहयोगमा नेपाली कांग्रेस विपी नामको पार्टीबाट चुनावी प्रतिष्पर्धामा छन् ।उता स्वतन्त्र उम्मेदवार सागर ढकाल ले आफ्नो जित निश्चित भैसकेको दाबि गरेका छन् । उनले भनेका छन् – कुनै चलखेल नभए जित सुनिस्चित नै छ ।
ईन्डिया , खाडिमा हुनुभएका सम्पुर्ण डडेल्धुरा बासिन्दाले घरमा दिनदिनै फोन गरेर सागर ढकाललाई सुइ मा मतदान गर्न भन्नुहोला । आज नवदुर्गा वडा नम्बर २ मा बुडि आमाले ” नातीले फोन गरेर सुइ र धारामा भोट हाल्न भन्याछ ” भन्नुभयो । निकै खुसी लाग्यो । आउनुहोस् है छिटो छिटो सबैजना डडेल्धुरा ।
उनले एक स्टाटस मार्फत हामी गएको लगभग 40% घरमा कसैले नातीले र कसैले छोरा छोरीले फोन गरेर सुइ मा भोट हाल्न भनेको छन भन्दै भन्नुहुन्छ । निकै खुसी लगेको छ । यसपाली क्रान्ति नै हुने भयो युवा को साथले । सबैजनाले फोन गर्नुस् है आफ्नो घरमा दिनदिनै भन्दै जानकारी गराएका छन् ।
